|
Ifafi
Kleutersentrum
is ‘n geregistreerde kleuterskool in Ifafi, Hartbeespoort wat voldoen
aan alle regulasies. Die skool se leuse is “die kleuter is die toekoms”
. Gedurende die afgelope 30 jaar van die skool se bestaan het ons al
baie kinders onderrig en opgevoed wat vandag as volwassenes baie
suksesvol is. Ons dank die Hemelse Vader vir die talent en bid vir
insig en krag om dit vir nog soveel jaar voor te sit.
Ons huisves beide peuters (1-2 jr en 2-3 jr groepe) asook kleuters (3-4
jr, 4-5 jr en Graad R). Alhoewel ons onderrigmetode informeel is, vind
dit binne ‘n gestruktureerde dagprogram plaas waar die klem op die
totale ontwikkeling van die kleuter val.
Daar word baie aandag gegee en tyd ingeruim vir : Grootmotoriese
ontwikkeling, Fynmotoriese ontwikkeling, Kognitiewe ontwikkeling,
Perseptuele ontwikkeling en Sosio-emosionele ontwikkeling. Waarneming
en assessering vind deurlopend en volgens die ontwikkelingstadium van
elke jaar groep plaas. Ons Graad R-leerder volg ‘n volledige stap vir
stap program vir die grondslagfase en is gebaseer op die hersiene
nasionale kurrikulum verklaring.
Ons leerders word ook volgens hierdie kriteria soos voorgeskryf deur die
Departement van Onderwys geassesseer.
Ifafi Kleutersentrum se personeel bestaan uit gekwalifiseerde oggend
personeel asook goed uitgesoekte middag personeel wat in toesighoudende
posisies aangestel is. Ons affilieer jaarliks by die VVOS om op datum
te bly met nuwe kursusse en die nuutste ontwikkeling in kinderopvoeding.
Kenmerkend van ons juffrouens is hul liefde vir kinders en
bereidwilligheid om meer te gee as wat van hulle verwag word.
Ons is gelukkig om ‘n baie groot terrein te hę. Elke klas /
ouderdomsgroep het hul eie speelgrond toegerus met klimrame, swaaie,
sandputte en baie koelte. Ons is skoolvakansies oop en sluit net die
die laaste week in Desember en die eerste week in Januarie.
Ons kleuters word blootgestel aan ‘n verskeidenheid instappies (Poppekas,
FANSA besoeke (ambulans) ens) asook kwartaalikse uitstappies vir die 3-6
jariges (Pretoria Dieretuin, Tvl Museum, die plaas ens).
Kleuters kan ook by ‘n verskeidenheid buitemuurse aktiwiteite inskakel
wat in skooltyd aangebied word naamlik karate, playball, swem, dans,
rekenaars en musiek. Hierdie aktiwiteite is opsioneel en word deur die
afrigters self geadministreer.
Ons passie is kinders en op ‘n speel-speel manier word hulle formeel
onderrig. By ons is die pret om skooltoe te kom.
tot bo |
